Познати се судиите кои ќе ја делат правдата на трите воведни натпревари од 32. коло во Првата македонска фудбалска лига, коло кое носи важни бодови во битката за Европа, опстанок и врвот на табелата.
На натпреварот меѓу Шкендија и Брера Струмица, главен судија ќе биде Боби Величков. Негови помошници ќе бидат Гоце Петрески и Роберт Црвенов, додека четврти судија ќе биде Александар Василевски. Во ВАР собата ќе бидат Игор Стојчевски и Мартин Дејаноски, а како ВАР 3 е делегиран Деан Стефков. Делегат на средбата ќе биде Гоце Цветановски, а контролор Горан Спиркоски.
Правдата на дуелот меѓу Струга Трим Лум и Вардар ќе ја дели Стојанче Стојанов. Асистенти ќе му бидат Тоше Ицев и Мартин Петковски, а четврти судија ќе биде Игор Иванов. За ВАР технологијата ќе бидат задолжени Бенџамин Ќерими и Вјолца Изеири, додека Петар Мукоски е делегиран како ВАР 3, а Зоран Саздов како ВАР 4. Делегат на мечот ќе биде Славчо Ѓорѓијоски, а контролор Џенан Хајдари.
На средбата меѓу Силекс и Арсими, главен судија ќе биде Димитар Пилешков. Негови асистенти ќе бидат Ристо Ѓорѓиев и Богданчо Ѓеоргиев, додека улогата на четврти судија ќе ја има Крумислав Ѓорѓиев. Во ВАР собата ќе бидат Пларент Салихи и Фуркан Идризи, а Виктор Васев е делегиран како ВАР 3. Делегат на натпреварот ќе биде Борче Мирчески, а контролор Благој Шуклев.
