Интересен податок кој е за респект ни доаѓа од Битола после пласманот на кадетите на Пелистер во финалето од Купот на Македонија, каде за противник ќе ја имаат екипата на Вардар и без сомнение ќе биде вистинско уживање да се проследи тој натпревар.
За издвојување е тоа што генерацијата 2008 веќе во континуитет се пласира во финалето од Купот на Македонија:
2023/24 – Помлади пионери
2024/25 – Пионери
2025/26 – Кадети
Ова е трето последователно финале за оваа генерација, која за свој предводник го има еден од легендите на македонскиот фудбал – Горан Ганчев.
Поранешниот македонски фудбалер со богата интернационална кариера, денес успешно го пренесува своето огромно искуство на младите фудбалери во Битола. Она што посебно го издвојува Ганчев е неговата дисциплина, победнички менталитет и способност кај младите играчи да создаде карактер, самодоверба и фудбалска зрелост.
Токму затоа не изненадува фактот што оваа генерација веќе трета сезона по ред е дел од големото финале. Континуитет кој не доаѓа случајно, туку е резултат на напорна работа, посветеност и јасна фудбалска визија.
Во Битола сè погласно се поставува прашањето – дали Ганчев го знае рецептот за финале во младинскиот куп? Резултатите велат – да.
