Екипата на Кочани во мечот за комплетирање на 24. коло на Првата женска фудбалска лига со 4:2 на домашен терен ја совлада Речица и сега доаѓа на минус три токму од Речица во трката за директен опстанок.
Резултатот го отвори Јована Стојанова која во 22. минута постигна гол за водство на домаќинот од 1:0, а во 41. минута Софија Величковска постигна погодок за 1:1 на полувреме. Во вториот дел Речица направи и пресврт откако во 51. минута Вања Ристиќ беше максимално прецизна за водство на гостинската екипа од 1:2.
Сепак, не траеше долго радоста на Речица, откако во 59. минута Лина Мицовска погоди за 2:2, а само четири минути подоцна Ванеса Давиткова погоди за 3:2 и пресврт за ново водство на Кочани.
Сите дилеми за трите бодови беа решени во 73. минута кога Стојанова со втор гол ги постави конечните 4:2.
Екипата на Кочани останува во бараж зоната како претпоследна со 10 бодови, но доаѓа на минус три од Речица која е осма на табелата, со тоа сега се разгорува ситуацијата во која Кочани ќе брка и директен опстанок, а пак Речица во следното коло под силен притисок ќе мора да го добие „фенерџијата“ Топ Гол на домашен терен и да го испрати во Втора лига, а Речица да го потврди директниот опстанок.
