На првото издание од Охрид Куп свое учество ќе земат и екипите на Јанг Тим од Струга и Овче Поле од Свети Николе.
Организаторите на Охрид Куп продолжуваат со претставување на екипите кои ќе учествуваат на првото издание на овој турнир кој е застапен под мотото „Секое дете е победни“, со тоа што секое дете ќе добие медал и маичка, а пак за тренерите се обезбедени тренерки.
Јанг Тим е академија која располага со голем број на фудбалски таленти, редовно учествува на силни меѓународни турнири низ Европа.
Јанг Тим има одлична соработка со големи фудбалски гиганти како Барселона, Манчестер Сити, Атлетико Мадрид, Јувентус, Порто, Рапид Виена, италијанска Аталанта, Валенсија, Базел, Милан и други европски гиганти, што претставува одлична можност за младите фудбалски таленти да одат на мегдан со големи фудбалски имиња. Стружани со големо искуство доаѓаат на Охрид Куп.
На турнирот пристигна и Овче Поле од Свети Николе. Клубот создаден во далечната 1925 година, минатата година прослави 100 години постоење, клуб богат со фудбалска историја, клуб кој создал многу познати фудбалери и дал многу за македонскиот фудбал. Клубот од Свети Николе е посветен на своите млади таленти, а фудбалската школа е вистински расадник на млади таленти.
Овче Поле доаѓа на Охрид Куп со своите фудбалски херои на дерби натпревари, дружба и забава.
Спортска Мрежа е официјален медиумски покровител на Охрид Куп, секоја екипа која ќе учествува на турнирот ќе има медиумска поддршка во текот на цела 2026 година, а дополнително на самиот турнир ќе има media corner, каде ќе бидат предвидени изјави и интервјуа со тренерите и фудбалерите.
Спортска Мрежа ќе ви ја донесе атмосферата од турнирите преку најдобри моменти, погодоци и шанси.
