Останато

Ќе решава „мајсторката“: Работнички Скопје го надигра Наковски Волеј и израмни на 2-2 во финалето

Сподели
ФОТО: ОФМ
Сподели
Шампионот во женска одбојкарска конкуренција ќе биде решен во „мајсторка“, откако Работнички Скопје со максимални 3:0 го совлада Наковски Волеј во четвртиот натпревар од финалната плеј-оф серија.

Пред својата публика во Спортски центар „Борис Трајковски“, скопскиот состав славеше со 25:15, 27:25 и 27:25 и успеа да израмни на 2-2 во победи, со што финалната серија добива драматична завршница.

Како и во претходните натпревари, и овој дуел донесе квалитетна и борбена одбојка, а најголема неизвесност имаше во вториот и третиот сет, каде двете екипи водеа жестока битка за секој поен.

До првата максимална победа сезонава против Наковски Волеј, Работнички Скопје беше предводен од Тамара Стојанова и Антонија Баталаковска, кои постигнаа по 12 поени, додека Андротеа Милевска додаде 11 поени.



Во редовите на Наковски Волеј, Сара Марковиќ беше најефикасна со девет поени, Ивана Милева запиша осум, а Мила Долдурова и Ива Стојковска реализираа по шест поени.

Решавачкиот петти натпревар, кој ќе го даде новиот шампион, е закажан за в понеделник од 18 часот во Струмица.



Сподели
Напишано од
Александар Ванев -

Основач, главен и одговорен уредник на спортскиот веб портал Спортска Мрежа, специјализиран за македонски спорт. Александар Ванев со спортско новинарство започнува на 1. август 2010 година, неговиот најголем проект е Спортска Мрежа, тој е спортски коментатор и во неговата кариера има коментирано натпревари од Втората и Третата фудбалска лига на Македонија, од Првата футсал лига на Македонија, Куп на Македонија, Прва и Втора женска фудбалска лига, како и натпревари од македонскиот ракомет. Ванев е член на Здружението на новинари на Македонија (ЗНМ). Ванев е спортски новинар посветен на македонскиот спорт, првиот и единствен кој темелно ја работи Третата и Четвртата (општинската лига) во Македонија.

Не пропуштајте

Прва лигаФудбал

Арсими продолжува со проверениот стручен штаб: Вилдан Салиу останува на кормилото и во новата сезона

Прволигашот Арсими од Чегране ќе ја задржи стабилноста во стручниот штаб и во новата натпреварувачка сезона. Раководството на клубот одлучи повторно да му...

Прва лигаФудбал

Нов бисер од Работнички пристигна во Кратово: Силекс го ангажира Никола Манојлов

Освојувачот на Купот на Македонија, Силекс, продолжува со засилувањата во пресрет на новата натпреварувачка сезона, а најново име во редовите на кратовци е...

Поврзани написи
Останато

Ѓорческа ќе игра против финалистката од ланскиот Вимблдон

По историскиот успех и пласманот на главниот турнир на Вимблдон, кој го...

Останато

ФОТО: По блесокот во Норвешка, Изабела Зајков се подготвува за Светското првенство во Полска

Младата македонска натпреварувачка во бразилско џиу-џицу (BJJ), Изабела Зајков, зад себе има...

Останато

Историски успех за Лина Ѓорческа – избори учество на Вимблдон

Најдобрата македонска тенисерка Лина Ѓорческа успеа да се пласира на главниот турнир на Вимблдон, како прва...

Останато

Охрид повторно беше домаќин на еден од најзначајните ИТФ таеквон-до настани во регионот

На 20 јуни 2026 година, во спортската сала „Билјанини Извори“, во организација...

error: Содржина е заштитена! Се забранува копирање на истата!