Денес заврши футсал семинарот за судии кој се одржуваше во Скопје, а кој започна вчера.
Во овие два дена футсал судиите кои ја делат правдата во Првата и Втората футсал лига на Македонија имаа обуки, предавања и практичен дел.
Семинарот го отвори Димитар Мечкаровски, а потоа предавање имаше Педро Галан, како и Сашо Димовски, фитнес тренер. Денес се одржа практичниот дел заедно со Педро Галан.
Овој семинар има за цел едукација и усовршување на футсал судиите.
Колку за потсетување во Македонија постојат Прва и Втора футсал лига, а Спортска Мрежа е можеби единствениот медиум во Македонија кој темелно известува за македонскиот футсал преку анализа и најава на натпреварите, преглед на натпреварите и табелите, изјави, интервјуа, делегирања и целоскупно известување за Првата и Втората футсал лига на Македонија, како и футсал Купот на Македонија.
