Голем скандал се случи во женскиот ракометен Куп на Македонија откако на мечот меѓу Скопје и Гевгелија ракометарките си постигнува автоголови, но и свесно не постигнуваа голови против противникот со цел да не извојуваат победа и да обезбедат понатамошен пласман, за што веќе информираше Спортска Мрежа.
Министерот за спорт Борко Ристовски беше гостин во дневникот на Сител телевизија од каде истакна дека на двата клуба ќе им се одземе лиценцата.
„Ги погледнав тие видеа и она што можам да го кажам дека веќе во понеделник ќе биде на двата клуб коишто тоа го направија ќе биде одземена дејност спорт и не ќе можат веќе да се натпреваруваат во македонскиот шампионат, нормално во женската конкуренција. Ќе направиме еден итен состанок со Ракометната федерација на Македонија да ваков тип на немили или да кажам грубо кршење на спортските правила на игра еднаш засекогаш го ставиме под контрола и како што кажав веќе во понеделник ќе им биде одзема дејноста спорт“, рече министерот Ристовски.
Ова е можеби и најголемиот скандал кој се случил во македонскиот ракомет, а за вакво нешто повеќе од јасно е дека ќе треба да има и санкционирање за што веќе најави и министерот Ристовски.
