Деветтото коло од Трета лига – Југозапад беше отворено денес со минималната победа на Влазними од 1:0 над Демир Хисар, натпревар кој го реши Рејхан Џелеши во 89. минута од натпреварот.
За екипата на Влазними оваа беше четвртата сезонска победа и сега има учинок од четири победи, едно реми и четири порази за вкупно 13 бодови и барем до утре кога ќе се комплетира деветтото коло ќе биде на шесттото место на табелата.
Демир Хисар сезонава не е според посакуваната форма, со скор од две победи и седум порази има шест бодови и се наоѓа на претпоследното место на табелата. На денешниот натпревар Демир Хисар допатува само со двајца играчи на клупата за резерви, па тенката ротанција можеби беше и една од причината за замор кај играчите за денешниот пораз.
Колото се комплетира утре со останатите натпревари, за кои веќе Спортска Мрежа извести.
