Второлигашот Брегалница се засили со Аљбан Мемеди кој доаѓа од редовите на Кожуф од Гевгелија, дознава Спортска Мрежа.
22-годишниот централен напаѓач треба да биде големо засилување и освежување во “сините” редови.
Низ кариерата покрај за Кожуф, Мемеди беше дел и од Башкими, Воска Спорт, Детонит Плачковица, Шкендија, Милано од Куманово, а меѓународна кариера градеше во Косово за екипата на Лирија.
Претходно, Брегалница се засили со Бојан Рајков, Јорданчо Наумоски и Костадин Капсаров.
Пролетниот дел Брегалница го отвара против Кожуф во Гевгелија, а ова ќе биде можност Мемеди да дебитира за “сините” против неговиот поранешен клуб.
