ГРК Охрид започна со онлајн продажбата на билети за првиот натпревар од 1/8 финалето на ЕХФ Европскиот Куп, во кој охриѓани ќе се соочат со екипата на Дукла Прага од Чешка.
Првиот натпревар од овој европски двомеч ќе се одигра во салата „Билјанини Извори“ во Охрид, на 14 Февруари 2026 година (сабота), со почеток од 18:00 часот.
Охрид ќе има можност пред својата публика да обезбеди значајна предност пред реваншот, во пресрет на уште еден голем европски предизвик.
Билетите за натпреварот се веќе пуштени во онлајн продажба, а можат да се купат на следниот линк: https://mktickets.mk/event/grkdp/
Клубот ги повика сите љубители на ракометот и навивачи да бидат осмиот играч на Охрид, да ја исполнат салата „Билјанини Извори“ до последното место и со силна поддршка од трибините да помогнат во борбата за што поубедлива победа на домашен терен.
Охрид повторно ќе ужива во европска ракометна вечер, а поддршката од публиката може да биде клучна во патот кон нов европски успех.
