Заврши зимската пауза, од утре започнува пролетниот дел во ракометната Суперлига со натпреварите од 19. коло.
Утре, во СРЦ „Билјанини Извори“ ќе се одигра натпреварот меѓу фаворитот Охрид и Прилеп, меч кој ќе стартува во 19 часот, а верните „рибари“ веќе започнаа со мобилизација: „Време е да се вратиме во нашиот храм!“
Навивачката група „Рибари“ упати јасен повик до сите љубители на ракометот – време е повторно да се исполни салата и заеднички да се застане зад тимот. Одличната форма и резултатите што ги прикажуваат охридските ракометари се дополнителен мотив, а целта е јасно поставена: борба за што е можно повисок пласман во домашното првенство и успешен настап на европската сцена.
Собирот на верните навивачи е во 18:30 часот, заден влез, цената на влезницата без членска карта е 100 денари, а со членска карта е 50 денари.
