Ракометниот дуел меѓу Бенфика и Вардар е со променет термин. Натпреварот од првото коло во Главната фаза на Лигата Европа, кој требаше да се игра на 17 февруари 2026 во 20:45 часот, ќе започне порано.
Новиот термин е 17 февруари 2026 година од 18:45 часот по средноевропско време, односно 17:45 часот по локално време во Лисабон. До корекцијата дојде поради поклопување со натпревар од фудбалската Лига на шампионите на УЕФА, во кој настапува Бенфика.
Вардар во Главната фаза од Лигата Европа е во група со Бенфика, Мелсунген и Кристијанштад, а гостувањето во Лисабон ќе биде првиот тест за „црвено-црните“ во оваа фаза од натпреварувањето.
