Второлигашот Слободен за вториот дел од сезоната ќе биде посилен со Ева Андонова која доаѓа од редовите на Билјанини Извори од Охрид, дознава Спортска Мрежа, а клубот веќе ги промовираше Елена Крстеска, Јована Гроздевска, Анастасија Поповска и Ивана Митевска.
19-годишната Андонова покрај за Билјанини Извори, во минатото настапуваше и за Каменица Саса, а се работи за исклучително талентирана фудбалерка која ќе биде големо засилување за скопскиот тим. Андонова има настапи и во Првата женска фудбалска лига, па така носи прволигашко искуство во тимот на Слободен. Инаку, Андонова има настапувано и за младинските репрезентации на Македонија, па покрај прволигашкото искуство има и репрезентативно искуство.
Покрај Андонова второлигашот Слободен има уште четири нови имиња кои веќе клубот ги потврди. Крстеска доаѓа од редовите на Истатов, нови прволигашко искуство, а 18-годишната беше дел од шампионската генерација на ЖФК Кул Здравје со освоен трофеј на Втората женска фудбалска лига во сезона 2021/22.
Гроздевска во Слободен доаѓа од редовите на Борец, има искуство со настапи во Првата лига, 21-годишната фудбалерка беше шампион на Втората лига со битолски Топ Гол во сезона 2022/2023.
Поповска е млад и талентиран голман, има 14 години, а во тимот на Слободен доаѓа од ЖФК Џи-Џи, која има бројни настапи во Младинската женска лига.
Митевска која има 18-години доаѓа од редовите на ЖФК Вардар и носи искуство во Слободен со настапи во ПЖФЛ.
На овој начин ростерот на Слободен ќе биде значително поквалитетен во пролетниот дел и тимот ќе цели сезоната да ја заврши што повисоко на табелата.
