Некогашниот второлигаш Росоман пролетниот дел од Трета лига – Југ ќе го започне со нов тренер, откако клубот реши да го назначи Желимир Трикиќ за нов кормилар, кој доаѓа на местото на искусниот Никола Глигоров.
Трикиќ има 28-години, кој долг период настапуваше како фудбалер за Росоман, а во минатото има настапувано и за Тиквеш од каде и ја започна кариерата, како и за Брера Струмица.
Росоман ги „пали моторите“ за старт на зимските подготовки, а тимот презимува на третото место со 24 бодови и има седум бодови негатива од водечките Борец и Превалец кои го делат првото место со по 31 бод.
Росоман пролетниот дел го отвара во Велес против ланскиот второлигаш Борец, клучен меч и за двете екипи – доколку велешани слават тогаш ќе се зацврстуваат на првата позиција и ќе водат борба со Превалец, а Росоман ќе има уште поголема негатива од првата позиција.
