Третолигашот Овче Поле ги започна зимските подготовки за вториот дел од сезоната во Третата македонска фудбалска лига – Исток.
Тимот ги започнува подготовки со цел во пролетниот дел да го стигне непоразениот лидер Победа од Валандово и да стане шампион во овој регион, а со тоа да го повтори успехот од сезона 2021/2022 и да игра одново бараж за влез во Втора лига. Во таа сезона тимот од Свети Николе беше поразен од сега веќе прволигашот Арсими.
Според информации на Спортска Мрежа ќе бидат одиграни неколку пријателски натпревари кои ќе послужат како проверка за како оди подигањето на формата.
Овче Поле есенскиот дел во Трета лига – Исток го заврши на третото место со 22 бодови на своето конто, шест помалку од непоразениот лидер Победа Валандово.
Според нашите информации се очекува и неколку засилувања да бидат промовирани во овој третолигаш.
