Второлигашот Детонит Плачковица одигра пријателски контролен натпревар против третолигашот Победа Валандово и оствари убедлива победа со 6:1. Натпреварот се одигра на Градскиот стадион во Валандово и послужи како уште една проверка на формата за двата тима во подготвителниот период, со што Детонит Плачковица ја потврди добрата офанзивна форма.
Инаку, Победа Валандово, која е непоразен лидер во Третата лига – Исток, претходно на истото место во пријателски натпревар славеше со 3:0 против второлигашот Вардар Неготино. Од друга страна, Детонит Плачковица во претходната контрола ремизираше без голови (0:0) на гостувањето кај Осогово во Кочани.
Двете екипи и во продолжение од подготовките ќе одиграат уште неколку пријателски натпревари, со цел темелна проверка на формата и подготвеноста пред продолжението на сезоната.
