Управата на ФК Скопје го назначи долгогодишниот капитен, Александар Поповски како нов член на стручниот штаб. Долги години, тој го носеше овој дрес со страст, оставајќи го срцето на секој дел од теренот.
Денес, со години искуство зад себе и акумулирано знаење од врвно ниво, тој се враќа за да го направи она што е најсвето во фудбалот, да го пренесе големото искуство на следните генерации.
„Нема поголема чест од тоа да им погледнеш во очи на младите момци кои сонуваат за она што јас веќе го живеев. Тука сум да ги научам дека талентот е само почеток, а карактерот и работата се оние кои те прават шампион“, велат од клубот.
Скопје под водство на искусниот стратег Александар Таневски работи под „полна пареа“, а целта на „пиратите“ од Автокоманда е враќање во Прва лига.
