Ракометарите на Бутел Скопје со победа го отворија подготвителниот период пред стартот на пролетниот дел од сезоната во Супер лигата.
Скопскиот тим триумфираше на гостувањето кај косовскиот Кастриоти со резултат 37-31, прикажувајќи сигурна и организирана игра во текот на целиот натпревар.
Бутел Скопје уште во првото полувреме ја наметна својата игра и на пауза замина со убедливо водство од 18-10. Во продолжението, тренерот Горан Кузманоски ротираше повеќе играчи и им даде можност за настап и на дел од младинците, со цел да се тестира формата и да се добие поширока слика пред продолжението на сезоната.
Овој контролен дуел е дел од подготовките на Бутел Скопје, кој до почетокот на пролетниот дел ќе одигра уште две пријателски средби, против екипите на Пролет и Железничар Ниш.
