Прволигашот Работнички со убедливи 8:2 го доби второлигашот Охрид на тестот кој денес се одигра во Скопје, сепак мора да се нагласи дека се работи за пријателски натпревари и тренерите имаат можност за ротација, комбинации, а притоа им се дава шанса на сите фудбалери, па резултатот оди во втор план, но мора да се внимава и на тоа.
За Работнички двојни стрелци беа Елези и Дестани, а по еден гол постигнаа Хоџа, Демири, Манојлов и Мухарем.
Иако ова е контролен натпревар, сепак се потврдува разликите помеѓу прволигашите и второлигаши, а класичен пример е токму овој меч, каде Работнички како претпоследен во Прва лига со само седум бодови и катастрофална есен успеа убедливо да го добие есенскиот шампион на Втората лига, односно Охрид.
Затоа и битката на второлигашите ќе биде директен влез во Прва лига односно освојување на првото место, со цел да се избегне втората и третата позиција кои водат кон баражот за елитата, а кои второлигашите ги играат со деветтиот односно осмиот на табелата во Прва лига. Интензитетот на натпреварите и квалитетот е доста различен.
Работнички го очекува тешка битка за опстанок во Прва лига, а пак Охрид има за цел да го сочува првото место и да обезбеди директен влез во Прва лига.
