Есенскиот шампион во Третата македонска фудбалска лига, Победа Валандово денес означи старт на зимските подготовките за вториот дел од сезоната, во која непоразениот тим на Истокот ќе сака да го сочува првото место и со тоа да игра бараж за Втора лига.
Како што ексклузивно дознава Спортска Мрежа, покрај утврдениот датум за почеток на подготовките, тимот од Валандово има договорени и неколку пријателски натпревари преку кои ќе се проверува формата за пролетниот дел.
Како што дознава Спортска Мрежа тимот од Валандово формата за пролетниот дел ќе ја проверува против второлигаши, а се бара противник за уште три контролни натпревари.
Првиот контролен натпревар Победа Валандово ќе го одигра на 29 јануари со Детонит Плачковица од Радовиш, на 31 јануари со Брегалница од Штип, на 7 февруари ќе се одигра пријателскиот меч против Кожуф, додека пак на 15 февруари ќе биде со Слога Виница, а според информациите на Спортска Мрежа ќе бидат договорени уште три пријателски натпревари преку кои ќе се проверува формата.
Како што дознаваме „генералката“ на Победа Валандово ќе биде против некогашниот прволигаш Еуромилк ГЛ, кој е есенски шампион во Трета лига – Север.
Целта на Победа Валандово е освојување на првото место, подигање на шампионскиот пехар во Трета лига – Исток, а потоа и влез во Втора лига преку баражот, со што по неколку години одново Валандово да следи второлигашките фудбал.
Дополнително, треба да се истакни и силната поддршка која клубот ја има од верните „Калнкари“ кои даваат силна поддршка на секој натпревар на Победа без разлика дали се игра на домашен или гостински терен.
