Македонската репрезентација денеска пристигна во Винтертур каде нашата репрезентација ќе ги има последните подготовки пред учеството на Европското првенство, а ќе се соочиме со Бахреин, Украина и Швајцарија.
Репрезентативецот на Македонија кој го носи дресот на актуелниот македонски шампион Еурофарм Пелистер, истакна дека имаат почит за сите ривали, вели дека натпреварите на „Жолти куп“ ќе бидат одлични за проверката пред настапот на Европското првенство.
„После секое вакво тешко патување можам да кажам кратко е времето за одмор, но максимално се подготвивме на овој тренинг и го дадовме максимумот. Се надевам дека ги исполнивме барањето на селекторот. Овој турнир е составен од репрезентации кои ги респектираме многу и кои ќе ни дојдат многу добро за да се подготвиме за Европското првенство. Бахреин е репрезентацијата за почит, но ние си имаме свои планови за во иднина, па така резултатот не е важен, фокусот е нашата игра да се покажеме во одлично издание и да ги намалиме сите тие недостатоци што сме ги имале во минатото и да бидеме подобри во иднина“, рече Пешевски пред утрешниот меч на Македонија со репрезентацијата на Бахреин.
Македонија утре на „Жолтиот куп“ ќе игра со Бахреин, веќе во петок ќе играме со Украина, а пак во сабота ќе играме со Швајцарија, по што нашата репрезентација заминува за Хернинг.
