Португалската репрезентација ќе настапи без голманот на Вардар, Мигел Еспиња Фереира, на претстојното Европско првенство, на кое во групната фаза меѓу противниците ќе ѝ биде и Македонија.
Иако селекторот Пауло Переира првично сметаше на неговото искуство — особено по повредата на Диого Рема — одлуката е Еспиња да не биде дел од составот. Причината лежи во фактот што тој сезонава нема забележано ниту еден официјален настап.
Неговото место во националниот тим ќе го пополни Педро Гашпар, кој брани за шпанската Куенка, додека како дополнителни опции се споменуваат Густаво Капдевил од Бенфика и Диого Валерио од Олимпијакос.
Португалија пред започнувањето на ЕП ќе одигра подготвителен турнир во Шпанија, а дуелот со Македонија е закажан за 18 јануари во Хернинг.
