Македонија пред настапот на Европското првенство ќе земе учество на „Жолтиот куп“, а преку три натпревари во три дена ќе ја проверува формата селекторот Кирил Лазаров.
Македонската репрезентација кон Швајцарија ќе отпатува в среда во раните утрински часови. Планиран е еден попладневен тренинг пред трите натпревари во исто толку денови.
На 8 јануари Македонија ќе игра со Бахреин од 20:30 часот, на 9 јануари нашата репрезентација ќе игра со Украина од 17:45, додека пак на 10 јануари македонската репрезентација ќе игра со Швајцарија од 18:30 часот.
Македонија последниот тест ќе го има против данскиот прволигаш Митјиланд на 13 јануари од 19 часот.
Европското првенство го отвараме против Данска на 16 јануари, два дена подоцна со Португалија, а пак на 20 јануари ќе играме со Романија.
