Вардар продолжува да ги задржува играчите во своите редови, откако потпиша договор со Димитар Тодоровски до јули 2028 година.
Задоволни од прикажаното во досегашните настапи, начинот на работа, дисциплината, упорноста, желбата за успех на овој млад играч, ФК Вардар АД гледа блескава иднина на Димитар Тодоровски во црвено-црното семејство.
На заедничко задоволство извршниот директор на ФК Вардар АД, Миленко Неделковски, и играчот за врска Димитар Тодоровски, потпишаа договор до јуни 2028 година.
Во тековната сезона Тодоровски за најтрофејниот македонски фудбалски клуб настапи на 16 натпревари во македонскиот шампионат забележа еден гол и една асистенција, а притоа на теренот помина 711 минути, додека пак во квалификациите за Конференциската лига на УЕФА настапи на сите четири натпревари.
Димитар Тодоровски во Вардар пристигна од редовите на Брера Струмица, а претходно настапуваше за Работнички од каде и ја започна својата кариера.
