Николче Шаркоски не е повеќе фудбалер на Кожуф, откако искусниот играч одлучи да се раздели со второлигашот од Гевгелија, ексклузивно дознава Спортска Мрежа.
31-годишниот прилепчанец само шест месеци помина во тимот од Гевгелија, а во Кожуф пристигна од редовите на скопски Вардар. Сепак, искусниот фудбалер ќе има нов предизвик во својата кариера, а како што дознава Спортска Мрежа, Шаркоски останува во македонскиот фудбал. Интерес за него има веќе од страна на неколку клубови кои го ставија на радарот, а сега во обид да се обезбеди негов потпис.
Низ својата кариера покрај за Кожуф и Вардар, прилепчанецот настапуваше и за екс прволигашот Воска Спорт од Охрид, Работнички, Брера Струмица, прилепска Победа и 11-ти октомври од Прилеп.
Шаркоски минатата сезона со Вардар ја освои Куп титулата. Во фудбалската елита на Македонија, Шаркоски има 208 натпревар натпревари со 26 погодоци и 21 асистенција.
