Европската ракометна федерација (ЕХФ) ги одреди официјалните лица за натпреварите од 9. коло во женската Лигата на шампионите, при што македонската судиска двојка Силвана Карбеска и Марија Илиева доби ново значајно меѓународно признание.
Карбеска и Илиева ќе ја делат правдата на дуелот меѓу хрватскиот шампион Подравка и францускиот вицепрвак Брест Бретањ, натпревар кој е дел од елитното европско натпреварување. За делегат на средбата е назначена Кристина Фернандез од Шпанија.
Натпреварот ќе се одигра на 11 јануари со почеток од 14:00 часот, во спортската сала „Јосип Самарџија Бепо“ во Копривница.
Довербата од ЕХФ претставува уште една потврда за квалитетот и континуираниот напредок на македонското судење на меѓународната ракометна сцена.
