Оваа недела, Скопје ќе биде домаќин на значајна манифестација на традиционално борење, кое важи за едно од најголемите натпреварувања од овој тип некогаш одржани во нашата земја. Настанот ќе се одржи во СРЦ Кале, кое во недела ќе биде претворено во вистинска спортска арена.
На овој настан ќе учествуваат најдобрите борачи од Македонија, како и спортисти од Грција, Азербејџан и специјални гости од Турција, вклучувајќи и шампиони “Başpehlivan” од престижниот турски турнир Киркпинар, кој се одржува повеќе од 600 години во Едрене – Турција. Присуството на овие имиња ќе ја направи манифестацијата вистински празник на спортот, традицијата и почитта.
Организатор на овој настан е Татин Кехаја од Скопје, кој со оваа манифестација во главниот град носи уникатен спортски спектакл и достојна промоција на традиционалното борење, будeјќи голем интерес кај публиката и љубителите на овој спорт.
