Вечерва тимот на Кратово славеше голема победа над ССК Скопје на крилата на Ѓорѓи Ивановски со резултат од 7:3 во рамки на 9. коло на Втората футсал лига.
Ивановски вечерва во салата „Софија Петровска“ во Пробиштип постигна неверојатни шест гола, а еден гол беше дело на Горан Арсовски кој погоди во 30. минута.
За скопскиот тим во првиот дел погоди Лучијано Ибраимов во 19. минута, а во вториот дел двоен стрелец беше Реџеп Бислим. Во првиот дел беше 2:1, но во вториот дел Кратово се разигра преку расположението Ивановски и со победа ја затвара 2025 година.
