Тимот на Вардар Неготино со победа ја затвара 2025 година откако вечерва пред својата публика го доби убедливи Овче Поле со 43:34 во последниот меч од есенската полусезона во Првата ракометна лига.
Домашниот тим од почетокот започна да ја гради разликата од два до три гола, гостинот од Свети Николе се обидуваше да го следи резултатскиот чекор на Вардар Неготино кој беше фаворит на овој меч, но не успеваше во тоа.
Првите плус три Вардар Неготино ги имаше на 13:10 во 16. минута од мечот, а до крајот на првиот дел стигна до висока предност од 23:15, со што се најави дека бодовите остануваат во Неготино.
Во вториот дел немаше проблеми за Вардар Неготино кој рутински одигра и го доби мечот со високи 43:34, а овој меч се покажа со висока ефикасност од аспект на постигнати погодоци – вкупно 77.
Ѓорѓи Орешков беше прво име кај Вардар Неготино со десет гола, а по седум погодоци имаа Мице Шилегов и Мирослав Митевски. Кај екипата на Овче Поле најдобар стрелец беше Илија Димов со осум гола од кој два од линијата за седум метри, а пак Кристијан Коцевски постигна шест гола.
