Во рамки на 17. коло од Суперлигата, ГРК Охрид во недела ќе го пречека шампионот Еурофарм Пелистер во „Билјанини Извори“. Се очекува тешка и неизвесна дерби- средба, а играчите се целосно фокусирани на тоа да го остават срцето на теренот и да ја израдуваат домашната публика.
Средниот бек на Охрид, Тилен Стрмљан го најави дуелот со Пелистерци. Тој истакна дека пред нив е предизвикувачки натпревар против Пелистер и дека е важно добро да се подготват. Исто така, ги повикува навивачите да дојдат на последниот домашен меч за годинава и да го поддржат тимот во потрагата по позитивен исход.
„На нас е добро да се подготвиме и на натпреварот да оставиме срце на терен. Натпреварот сигурно ќе биде многу интересен, затоа ги повкувам сите наши навивачи да ни се придружат на последниот домашен меч оваа година и да ни помогнат да стигнеме до што подобар резултат.“ – изјави Стрмљан.
Оваа недела, со почеток од 18:00 часот, „Билјанини извори“ ќе биде арената каде ГРК Охрид ќе се обиде да го предизвика фаворизираниот Пелистер, а поддршката од трибините ќе биде клучна за мотивирање на тимот кон добар резултат.
