Вчера во Струмица се одигра пријателскиот натпревар помеѓу младинските селекции на Македонија и Црна Гора (U18), на кој нашата репрезентација заслужено славеше со 2:1. Избраниците на селекторот Димитар Капинковски прикажаа одлична партија – со многу создадени шанси, високо ниво на дисциплина и храбра игра против своите врсници.
Херој на мечот беше Дитмир Хоџа, кој со два погодоци во првото полувреме ја одведе Македонија до убедлива предност. Хоџа го отвори резултатот во 20. минута за 1:0, а само девет минути подоцна повторно се запиша во листата на стрелци и донесе водство од 2:0 на полувреме.
Во второто полувреме нашите млади репрезентативци продолжија со сигурна игра, но фудбалерите од Црна Гора успеаја да намалат преку Вељко Мијовиќ во 84. минута, поставувајќи го конечниот резултат 2:1.
Следниот пријателски натпревар младата репрезентација ќе го одигра утре пак против репрезентацијата на Црна Гора со почеток од 11:00 часот, повторно во Струмица.
