Останува уште еден меч да се одигра за да се комплетира последното есенско коло во Втората лига, а со тоа и официјално да се спушти завесата за крај на есенската полусезона. Сите погледни се насочени кон мечот во Радовиш каде Детонит Плачковица ќе го пречека Скопје.
Овој меч нема да направи некои суштински разлини, но едно е сигурно – двете екипи со триумф ќе имаат полесна пролет во остварувањето на своите цели. Радовишани со победа и освојување на трите бодови ќе се врати на седмото место и во таков случај ќе има 26 бодови на своето конто, со реми исто така ќе биде седми со 24 бодови, колку што има и Осогово, со тоа што „жетварите“ ќе бидат осми, само пораз на Детонит Плачковица го остава Осогово да биде седми.
Скопје со евентуално освојување на трите бодови ќе се врати на четвртото место со 32 бодови и ќе има четири негатива од есенскиот шампион Охрид кој има 36 бодови, со реми „пиратите“ нема да имаат прогрес ќе бидат пак петти со 30 бодови, а секако со пораз тимот од Автокоманда ќе биде петти со 29 бодови. Во овој случај Беласица посакува реми или пораз на Скопје со цел да биде четврта за време на зимската пауза.
Овие се комбинациите кои може да ги очекуваме од последното место на Втората лига за 2025 година, кој се игра в петок од 13 часот на Градскиот стадион во Радовиш.
| Поз. | Клуб | ОН | Поб | Н | Пор | ПОС | ПРИ | ГР | БОД |
|---|---|---|---|---|---|---|---|---|---|
| 1 | ГФК Охрид Лихнидос | 15 | 11 | 3 | 1 | 38 | 10 | +28 | 36 |
| 2 | ЗФК Шкендија Арачиново 77 | 15 | 11 | 2 | 2 | 25 | 9 | +16 | 35 |
| 3 | ФК Брегалница 2008 АД | 15 | 10 | 3 | 2 | 31 | 9 | +22 | 33 |
| 4 | ФК Беласица АД | 15 | 10 | 1 | 4 | 33 | 14 | +19 | 31 |
| 5 | ФК Скопје АД | 14 | 9 | 2 | 3 | 32 | 15 | +17 | 29 |
| 6 | ЗФК Новaци 2005 | 15 | 8 | 3 | 4 | 25 | 11 | +14 | 27 |
| 7 | ГФК Осогово | 15 | 7 | 3 | 5 | 23 | 13 | +10 | 24 |
| 8 | ФК Детонит Плачковица | 14 | 6 | 5 | 3 | 20 | 10 | +10 | 23 |
| 9 | ФК Кожуф Гевгелија | 15 | 5 | 7 | 3 | 18 | 10 | +8 | 22 |
| 10 | ФК Каменица Саса | 15 | 4 | 5 | 6 | 32 | 30 | +2 | 17 |
| 11 | ФК Тетекс 1953 | 15 | 5 | 2 | 8 | 26 | 28 | -2 | 17 |
| 12 | ГФК Вардар Неготино | 15 | 3 | 3 | 9 | 21 | 46 | -25 | 12 |
| 13 | ФК Победа АД | 15 | 3 | 2 | 10 | 12 | 37 | -25 | 11 |
| 14 | ФК Преспа | 15 | 3 | 0 | 12 | 16 | 37 | -21 | 9 |
| 15 | ФК Слога 1934 | 15 | 2 | 1 | 12 | 15 | 34 | -19 | 7 |
| 16 | ФК Големо Коњари | 15 | 1 | 0 | 14 | 8 | 62 | -54 | 3 |
