Синоќа беше отворено 7. коло во Втората футсал лига со убедливата победа на Фудбал Старс Аутовелт кој со 7:1 го доби Кознули од Битола.
Гостинот беше инфериорен да парира на разиграниот домаќин кој стигна до четвртото славје и пробивање до второто место, а пак Конзули останува во долниот дел од табелата како претпоследен со четири бодови.
Христијан Крстов постигна четири гола за кочанскиот тим, двоен стрелец беше Драган Трајчов, а пак еден гол постигна Драган Гаврилов.
За гостинската екипа Арион Сулемановски беше единствен стрелец во 34. минута од средбата.
Седмата рунда во второлигашката конкуренција ќе се затвори денес со четири средби.
