По комплетирањето на осминафиналето од Купот на Македонија, Спортска Мрежа ја објавува листата на најдобрите стрелци во Купот на Македонија.
На врвот од истата со по три погодоци се Рејан Абази, фудбалерот на Брегалница и Јоан Симон Едмундсон, фудбалерот на Шкупи. Но, овие двајца фудбалери ќе останат на овие три погодоци, бидејќи Брегалница и Шкупи ги завршија настапите во Купот на Македонија, па повеќе од сигурно е дека друг фудбалер ќе биде најдобар стрелец на крајот од сезоната.
По два погодоци имаат постигнато Бесмир Даци од Шкупи, Џибрил Дианесу од Вардар, Антониот Каланоски од Брера Струмица, Аљбин Рамадани од Арсими, Емир Скендери од Беса, Кире Стојанов од Беласица, Фламур Таири од Струга, Масаки Такахара од Струга и Амир Фејзулаи од Брегалница.
Дури 48 фудбалери се имаат запишано во листата на стрелци со по еден погодок. Двајца фудбалери си имаат постигнато автогол, Дарко Донов од Вардар Неготино и Благој Хаџи Кимов од Брегалница.
