Утре ќе се играат натпреварите од 9. коло на Трета лига – Југ, а мечот меѓу Венец од Долни Дисан и Дреново е одложен и ќе се игра во нов вонреден термин. Во однос на останатите натпревари, познати се судиите кои ќе ја делат правдата.
Душко Стојсавлевиќ ќе им суди на Бучин и Млекар, а пак негови помошници ќе бидат Кире Кулески и Драган Јончески.
Росоман ќе биде домаќин на Младост од Кривогаштани, а главен судија ќе биде Драган Стевановски, а негови асистенти ќе бидат Славче Шоповски и Виктор Миланов.
Тополка на домашен терен ќе има тешка задача против фаворитот Питу Гули, а главен судија на мечот ќе биде Ангелчо Ристов, додека пак негови помошници ќе бидат Зоран Ангелов и Ване Дупкаров.
Дерби ќе се игра на Градскиот стадион во Велес, каде ќе се соочат ланскиот второлигаш Борец и екипата на Превалец. Правда ќе дели Николче Димовски, а негови помошници ќе бидат Љупчо Клинкаров и Мирко Најдов.
Ултрас во рамки на 9. коло ќе игра против Башкими од Јаболчиште, а на теренот со вештачка трева во Прилеп главен судија ќе биде Атанас Таневски, а пак негови помошници ќе бидат Тони Гурев и Лазар Стоев.
Сите натпревари ќе започнат во 13 часот.
