Калин Ивановски, најдобриот македонски теренис, ќе настапи на ИТФ фјучрсот во Трнава, Словачка, а за противник во првото коло го има 23-годишниот тенисер од Словенија, Филип Џеф Планиншек, кој се наоѓа на 821.то место на АТП листата што е негов најдобар ранг во кариерата, натпревар кој се игра денес.
Македонскиот тенисер немаше настапи оваа година, откако на почетокот на сезоната поради повредата мораше да направи пауза. На Ивановски му беше извршена и операција, а по периодот на рехабилитација тој започна со тренинзи, а веќе од утре стартува и со натпревари, прв за 2024 година.
Ивановски последно играше во ноември месец минатат година на Челинџер турнирите во Јапонија, а во средината на октомври минатата година го имаше најдобиот ранг односно беше на 305. место на АТП листата.
Турнирот во Трнава се игра во сала на тврда подлога и е од рангот М25 со награден фонд од 25.000 долари.
