Овој викенд ќе се одиграат натпреварите од шесттото коло од Втората женска фудбалска лига со два натпревар в сабота и два натпревар во недела.
Порече во сабота во Македонски Брод ќе го пречека разнишаниот Борец во меч каде домашниот тим ќе биде фаворит за трите бодови.
Борец игра во катастрофална победа и како тргнало може уште долго да чека за бодови, со гол разлика од само три постигнати, а дури 44 примени погодоци Борец е во многу лоша форма.
Јована Ѓорѓиоска Блажеска ќе биде силен адут на домашнио тим, искусната голгетерка сигурно е дека ќе ја тресе мрежата на гостинот од Велес, во меч кој ќе започне во 13 часот.
Дебитантот Слободен на домашен терен ќе игра против Плачковица во меч каде гостинот од Радовиш ќе ја има улогата на благ фаворит за трите бодови.
Слободен за првпат настапува во Втората женска фудбалска лига и на пет натпревари има едно реми и четири порази, но во секој случај Слободен на долгорочен план ќе работи на градење на свој тим со млади фудбалерки.
Плачковица е во добра форма со две победи, едно реми и два порази, па со седум бодови е на четвртото место на табелата. Натпреварот ќе започне во 15 часот.
В недела во 14 часот Победа Валандово на домашен терен ќе игра против апсолутниот фаворит Кочани, сосема јасно е дека гостинот има далеку поголем квалитет со искусни фудбалерки против младиот тим на Победа.
Најнеизвесен меч ќе одиграат Вардар и Билјанини Извори соочување на второпласираниот домаќин и третопласираниот гостин од Охрид меѓу нив само еден бод е разликата.
Всушност ова ќе биде дербито на колото и колку екипите се подготвени за борба за Прва лига. Вардар минатата сезона не го помина баражот, оваа сезона одново се бори за Прва лига, со тоа што го сака сега првото место, а пак Билјанини Извори сака да се вмеша барем за баражот. Натпреварот стартува во 14 часот.
