Делегирани судиите за деветтото коло на Првата женска фудбалска лига. Натпреварите на програмата ќе биде в недела.
Во Струга ќе се игра дерби меѓу Ас Јунајтед и Тиверија Брера од Струмица, а за правдата ќе бидат задолжени Дени Лековски како главен судија и помошниците Ангела Домазетовска и Петар Степановски, а контролор ќе биде Васил Клочовски сите од Битола.
Правдата на натпреварот меѓу Вардар и Љуботен ќе ја дели Александра Спасова од село Мустафино, Свети Николе, нејзини помошници ќе бидат Татјана Ивановска од Куманово и Тамара Астарџиева од Скопје, а пак контролор ќе биде Петре Илиоски од Прилеп.
Ангела Рајчевска од Скопје ќе им суди на Истатов и Речица, а пак помошници ќе бидат Елена Соклевска Илиевски и Тамара Цветановиќ, исто така од Скопје. Контролор ќе биде Небојша Ѓорѓијевски од Брвеница.
Штипјанецот Дарко Стојанов ќе го суди дербито во Македонска Каменица меѓу Каменица Саса и Скопје, а негови помошници ќе бидат Ристо Ѓорѓиев од Штип и Роберт Црвенов од Велес.
Контролор на средбата ќе биде Сашо Иванов од Штип.
Дербито од дното на табелата меѓу Кочани и Топ Гол ќе го суди Боби Величков од Велес, а ќе му помагаат Радмила Неркова и Александар Ајдаров од Велес, а пак Томислав Тимовски од Струмица ќе биде контролор.
