На натпреварот од 5. коло од Трета лига – Исток одигран во Виница се испиша историја во мак-фудбалот откако дуелот меѓу Слога Виница и Светлост од Зрновци го судија женски судии. Главен судија беше Виолета Јанчева од Гевгелија, а и помагаа Снежана Илиевска од Македонска Каменица и Александра Спасова од Свети Николе, додека пак делегат на мечот беше Гордана Кочева од Валандово.
Апсолутен фаворит на мечот беше домаќинот Слога Виница, предводен од штипскиот стратег Емил Грнев, против новиот третолигаш Светлост од Зрновци, каде исходот од средбата беше убедлива победа од 6:0. Кристијан Ристовски и Октај Амедов беа двојни стрелци, а по еден гол постигнаа Амар Исљам, Давид Ристовски, а беше поништен голот на Сали. Двата погодоци беа од пенал
Дербито на колото се одигра во Свети Николе каде Овче Поле се соочи со поранешниот прволигаш Хоризонт од Турново, во дербито за трите бодови екс прволигашот слави со 1:2. Сашко Пандев во 5. минута погоди за 0:1 на полувреме. На стартот од вториот дел Нацев израмни на 1:1.
Во 55. минута Черкезов постигна гол за конечни 1:2.
Тиверија во Струмица го пречека тимот на Дојранско Езеро каде гостинот од Дојран слави со 0:3, со погодиците на головите на Ашовалиев, Јанкулов и Илиев.
Во Делчево силите ги одмерија Брегалница и Ударник од Пирава каде домаќинот беше фаворит, а домаќинот слави со 4:0. Илиев беше двоен стрелец и Стаменовски и Ратков по еден гол.
Малеш на домашен терен се соочи со Карбинци каде запиша прва победа од 1:0 со голот на Пачарски.
