Во рамки на второто коло од Општинската фудбалска лига во Гази Баба или четвртата лига беа постигнати голм број на погодоци.
Марино на домашен терен со 6:0 го декласираше тимот на Инџиково, каде двојни стрелци беа Марковски и Фејзула, а по еден гол постигнаа Јаневски и Симоновски.
И екипата на Гоце Делчев беше убедлива на домашен терен против тимот на Дељадровци откако славеше со 6:0 преку двата погодоци на Гоцевски и погоците на Петревски, Јовановски, Стојковски и Алексов.
Долно Коњари во вториот дел го доби тимот на Бујковски со 2:0, а стрелци беа Шаботиќ и Шкријељ.
Маџари Солидарност на гостински терен со 1:4 славеше над ланскиот третолигаш Петровец, откако во вториот дел се распадна домаќинот.
Здравковски во 9. минута постигна гол за 1:0 и водство на Петровец, резултат со кој се замина на полувреме, а во вториот дел Крстевски со два гола обезбеди водство на Маџари Солидарност од 1:2, а до крајот на мечот Андреевски и Јовановски погодија за конечни 1:4.
Ускуп и Миладиновци одиграа 3:3 на теренот на Инџиково со што ги поделија бодовите. Во првиот дел резултатот беше 1:1, а во вториот дел беа постигнати четири погодоци.
За домашниот тим Исеновски беше двоен стрелец, а еден гол постигна Кумбараџи, за гостинот Стојмировски, Бојковски и Трајчевски беа стрелци.
Во рамки на втората рунда Илиден беше слободен.
Во одноа на табелата Марино и Маџари имаат по максимални шест бодови и го делат врвот.
На 3. место е Долно Коњари со четири бодови, Бујковци и Гоце Делчев го делат четвртото место со по три бодови. Миладиновци е шести со два бода, а по еден бод имаат Дељадровци, Инџиково и Ускуп.
Без бодови се ланските третолигаши Петровец и Илинден.
