Македонскиот репрезентативец Јани Атанасов ќе настапува во Грција. 25-годишниот играч за врска се договори со клубот на двегодишна соработка.
АЕЛ Лариса, еден од најпознатите клубови надвор од големите фудбалски жаришта како Атина и Солун, го обезбеди потписот на Атанасов како дел од засилувањата за новата сезона.
Атанасов во Грција доаѓа по двегодишна епизода во полската Краковија. Во својата досегашна кариера има настапувано и за Бурсаспор од Турција, Хајдук Сплит од Хрватска, како и за полскиот Ниепломице како позајмен играч. Неговите фудбалски почетоци беа со Академија Пандев, клубот кој му го отвори патот кон интернационалната фудбалска кариера.
Со овој трансфер, Атанасов добива нова можност за напредок и дополнителна афирмација на меѓународната сцена, а истовремено останува важна алка и во националниот состав на Македонија.
