Со високата и убедлива победа на Арсими од 3:0 над Вардарски беше отворена седмата рунда на Втората лига, која ќе се комплетира утре со останатите седум натпревари.
Арсими беше апсолутен фаворит на овој меч и сосема очекувано дојде до овој висок триумф и прокнижи три бодови на своето конто. Со оваа второлигашот од Чегране ја запиша својата петта сезонска победа, а пак Вардарски го забележа петтиот сезонски триумф со што повратникот од Богданци ќе мора да причека се’ уште за прво сезонско славје.
Арсими тргна одлично и по првите 45 минути игра имаше предност од 2:0 со погодоци на Шефит Шефити кој стрелаше во 5. минута за 1:0 и во 20. минута за 2:0.
Во вториот дел Арсими преку искусниот Шпенд Асани во 64. минута дојде до конечните 3:0.
Барем до утре екипата на Арсими ќе биде лидер на табелата со 15 бодови, а токму утре на Градскиот стадион во Штип ќе се одигра дербито на колото меѓу Брегалница и Кожуф, Башкими во Гостивар ќе ја пречека Победа, Беласица ќе ја бара првата победа против Каменица Саса на домашен терен во Струмица.
Борец ќе го пречека Скопје, Детонит Плачковица во Радовиш ќе игра против Вардар Неготино кој е во резултатска криза, Македонија ЃП ќе го пречека Осогово од Кочани, а пак на „Билјанини Извори“ ќе се соочат Охрид и Новаци.
