Повратникот во Првата македонска фудбалска лига, екипата на Башкими од Куманово, главната фаза од подготовките за сезоната 2025/2026 ќе ја одработи во Банско, Бугарија. Повратикот во елитата со големи амбиции влегува во ПМФЛ и веќе најавува сериозна работа на терен.
Во рамки на подготвителниот камп, Башкими ќе одигра три контролни натпревари против интернационални ривали, кои ќе бидат вистински тест за тимот на новиот стручниот штаб предводен од Муарем Муарем.
- Распоред на пријателски натпревари во Банско:
14 јули (18:45) – против Слатина (Романија)
20 јули (18:30) – против Аркадаг (Туркменистан), актуелен шампион на својата земја
22 јули (11:00) – против Иа уми Политехника (Романија)
Од клубот информираат дека пред заминувањето за Бугарија ќе бидат претставени неколку нови засилувања, со кои ќе се комплетира ростерот за новата сезона.
По враќањето во Македонија, Башкими ќе продолжи со натпреварувачкиот ритам преку пријателски меч против Нова Приштина од Косово, кој ќе се одигра во Куманово.
Сериозниот пристап и квалитетниот план ја потврдуваат желбата на Башкими да се наметне уште од првиот момент по враќањето во македонската фудбалска елита.
