Најтрофејниот македонски ракометен клуб, Вардар, во петок ќе го претстави новиот тренер кој ќе го води тимот во новата сезона.
Се работи за поранешниот ракометар на „црвено-црните“ Иван Чупиќ, хрватот се враќа на местото каде направи големи резултати со Вардар кој двапати ја освои Европа, со две титули во Лигата на шампионите.
Чупиќ сега како прв тренер ќе го води Вардар, а кој ќе биде наследник на аргентинскиот стратег Гиљермо Милано кој е веќе минато на клупата на Вардар.
Како што веќе информиравме, Марио Келентриќ беше претставен како нов тренер на голманите. На прес-конференцијата која е закажана за во петок ќе биде познато кои ќе бидат новите членови во стручниот штаб, но и како што се зборува за некои промени во самата управа, па останува да причекаме и да видиме што ќе донесе петок за РК Вардар.
