Екипата на Струга и следнатa сезона ќе биде дел од ракометната Суперлига, откако екипата од градот покрај езерото славеше со 24:19 во баражот против Мулти Есенс, кој заврши на второто место во Првата лига.
Струга плеј-офот го заврши на петтото место, кое значење играње на бараж за опстанок, а во овој меч стружани беа подобри и го сочуваат суперлигашкиот статус за следната сезона.
Тимот од Автокоманда одлично парираше особено во првиот дел кога беше 12:12, а на стартот од вториот дел стружани ја направија потребната разлика која се покажа како клучна за победа на Струга.
Бараж натпреварот се играше во Прилеп, а најдобар во таборот на Струга беше Ненад Костоски со девет гола, а пак Филип Пајкоски имаше пет гола, кај екипата на Мулти Есенс најдобар стрелец беше Христијан Гурмешевиќ со шест гола.
