Натпреварот од 21. коло на Втората футсал лига меѓу Победа и ССК Скопје во Прилеп не се одигра, а причината поради која не се одигра овој натпревар е тоа што кај гостинскиот тим само двајца играчи имале регуларни лекарски прегледи, а кај другите бил со истечен рок.
Натпреварот требаше да се одигра во неделата, но истиот не започнал бидејќи проблемот бил истечениот лекарски преглед кај играчите на гостинската екипа.
„Натпреварот не започна бидејќи кај домашната екипа има само 5 уредни лекарски прегледи од вкупно 9 внесени во записникот што го исполнуваат условот за почнување на натпреварот, а кај гостинската екипа забележано само 2 регуларно лекарски прегледи кај другите фудбалери лекарскиот преглед е со истечен рок на важност односно направени се 09.10.2024 и 10.10.2024 година и не ги исполнуват условите на почеток на натпреварот. Присутни беа судиите и контролорот на натпреварот“, вака е заведено во официјалниот записник од натпреварот.
Оваа сезона во футсалот уште ова остана да го видиме.
