Три убедливи победи донесе 17. коло на Третата македонска фудбалска лига – Југозапад. Сатеска од Волино со 3:6 триумфираше над ланскиот второлигаш Караорман во Струга.
Гостинот од Волино до овој голем триумф стигна преку Никола Секулоски и Лука Богданоски кои буквално се „распукаа“ и постигнаа по три-гола во Струга.
За домашниот тим двоен стрелец беше Ненад Балоски, а еден гол постигна Симеон Миноски.
Влазними со 3:0 триумфираше на домашен терен над Кораб од Дебар. На полувреме резултатот беше 1:0 со голот на Џелеши, а во вториот дел погодија и Амети и Шадов.
На домашен триумф се радуваше екипата на Кравари која со 4:0 славеше над Света Троица од Охрид. Селјанковски во 43. минута погоди за 1:0 на полувреме. Во вториот дел Беделоски, Емини и Иванов беа стрелци на погодоци за конечни 4:0.
Велешта го слави Елмаз Шеи кој беше двоен стрелец во победата од 3:2 над Демир Хисар. За домашниот тим гол даде и Беким Бекси. За гостинот во првиот дел погоди Андреј Јанкуловски, а во вториот дел стрелец беше и Андреј Стевановски.
На теренот во Кукуречани победник немаше откако Евротип и Преспа ремизираа играјќи 2:2. Лидерот од Ресен во вториот дел извлече бод и се спаси од пораз откако имаше два гола негатива. Петар Цфетко и Владе Јанакиевски погодија за 2:0, а во 36. минута Оливер Колоски погоди за 2:1 на полувреме. Во вториот дело Колоски со втор гол ги постави конечните 2:2.
Екипата на Славеј од Мешеишта беше слободна во рамки на 17. коло на ТМФЛ – Југозапад.
