Денес во рамки на 23. коло на Трета лига – Југ ќе се одигра и дербито меѓу лидерот Големо Коњари и Башкими 2008.
Теренот во прилепското село Големо Коњари е подготвен за денешното дерби каде лидерот ќе бара нови три бодови и со тоа да исчекори уште еден чекор напред со што ќе ја потврди шампионската титула и ќе го обезбеди баражот за можен влез во Втората македонска фудбалска лига.
Натпреварот ќе започне во 16 часот, а главен судија ќе биде Атанас Таневски од Кавадарци, негови помошници ќе бидат Душко Панов и Тони Гурев од Кавадарци.
За делегат е делегиран Благојче Стојаноски од Прилеп, а пак Љупчо Димески од Прилеп ќе биде контролор.
