Во недела ќе се одиграат натпреварите од 6. коло од Првата македонска фудбалска лига, а веќе се познати и судиите кои ќе ја делат правдата на сите шест прволигашите натпревари, кои ќе стартуваат во 15 часот.
Александар Ставрев ќе го суди дербито меѓу Тиквеш и Вардар кое се игра во Кавадарци, Александар Грујоски ќе го суди дуелот меѓу Силекс и Гостивар во Кратово, а пак Марјан Младеновски ќе ја дели правдата на дуелот меѓу Шкендија и Воска Спорт во Тетово.
Дербито на колото ќе се игра покрај Охридското Езеро каде шампионот Струга Трим Лум ќе се судри со Шкупи, а Димитар Пилешков ќе ја дели правдата, Јован Качевски патува во Гостивар каде ќе им суди на Беса и Пелистер, додека пак Игор Стојчевски ќе биде задолжен за правдата меѓу Работнички и Брера Струмица.
- ДЕЛЕГИРАНИ СУДИИ 6. КОЛО ПРВА ЛИГА:
Тиквеш – Вардар, Александар Ставрев (Скопје)
Силекс – Гостивар, Александар Грујоски (Кичево)
Шкендија – Воска Спорт, Марјан Младеновски (Скопје)
Струга Трим Лум – Шкупи, Димитар Пилешков (Штип)
Беса – Пелистер, Јован Качевски (Струга)
Работнички – Брера Струмица, Игор Стојчевски (Скопје)
