Утре во спортската сала „Јордан Мијалков“ во Штип ќе се одигра првиот финален натпревар меѓу Штип УГД и Струмица во битката за шампионската титула во Првата одбојкарска лига на Македонија.
Струмица ја брани титулата, а пак Штип УГД ќе атакува на нејзино прво освојување и со тоа да се испише историја – штипјани за првпат да ја освојат шампионската титула и за првпат во клупската историја да ја освојат двојната круна, откако пред нешто повеќе од две недели ја одбрани Куп титулата.
„Максимално сме мотивирани, екипирани и подготвени за финалните натпревари. Покажавме дека имаме квалитет. Знаеме дека нема да биде воошто лесно, но нашата цел е единствена – први да стигнеме до трите победи во финалната серија. Со тоа за прв пат да ја освоиме првенствената титула и да испишеме нова историја за клубот и градот“, вели одбојкарот на Штип УГД, Костадин Ричлиев.
Натпреварот кој се игра утре ќе започне во 19 часот и се очекува да биде исполнета салата до последното седиште.
Виолета Јанчева, Спортска Мрежа
